2015年12月13日 星期日

榴槤永遠是卡卡醬可獨享

相信嚐過馬來西亞榴槤的，一定返不到轉頭！點解？點解？試過你便知。堅持一定要樹上完熟，自然果落，才出品！（好記得幾年前與友人到檳城榴槤園，只得數個榴槤，我們買哂後，再有人到訪，只能空手而回，那次好好彩，我們只是早一步）。

很期待可一嚐這個來自馬來西亞珍藏版原個樹上完熟「山頂 XO」榴槤 。其實是第一次試，睇返榴槤BB嘅網頁介紹，原來「山頂XO」嘅果樹極小，只是難得今年雨水較多，所以收成質量特別多。

中午時段已送到公司， 期待著望著想著但又不能拆開。看住個咁可愛榴槤BB嘅袋，從沒有試過想讓自己準時離開公司，但今天我很想快快回家食咗去！


打開了袋、折開包裝，便開始聞到一陣陣新鮮嘅榴槤香味 好像自身處在榴槤森林一樣。


開了開了，終於開了！！！
每一顆都是飽滿的，乾身的，整潔的，軟綿綿的。它們是奶黃色的，它核比較大粒（大過猫山王，細個泰國嗰啲)。果肉creamy，濃郁香醇，帶有酒香的榴槤，甜香甘回，我確實非常喜愛！


一個的榴槤有10粒，起初想著小食多滋味，便找多兩位朋友一起飯後品嚐，我真的後悔了。嘻嘻！這個M size 1 至1.5kg($390)，我強烈建議這個是兩人份量。

榴槤BB網址：http://www.durianbb.com
榴槤BB粉絲專頁：
http://www.facebook.com/DurianBB
訂購：http://bit.ly/1OGOgwM



Feel Free to like my Facebook Fans Page 蕃茄醬與卡卡醬 花生飲食遊記
張貼者： 於 沒有留言:

2015年12月11日 星期五

下午茶都可以係男人的浪漫




話說好友Pedro Samper到了尖沙咀朗廷酒店任行政總廚，一上任就將酒店內各西餐廳之菜式重新定位，除此之外，又得知他新鑽研了一款全鹹點的三層架下午茶，突破了Afternoon Tea之傳統，所以要試試這男人的浪漫。




其實現在之英式下午茶已經分不清叫Afternoon Tea定High Tea定Low Tea了，不過既然倫敦朗廷酒店由開業至今已有接近150年歷史，並且貴為全球首家提供傳統英式下午茶的酒店，所以香港尖沙咀朗廷酒店棕櫚閣，亦推出了突破傳統之三層架下午茶。



三層架上面的鹹點，首先進食橄㰖，之前不喜歡食的，不知何時開始喜歡食，可能越來越年長，才喜歡食甘味之食物，友人不吃，所以食了2粒；跟著食青瓜皇帝蟹肉卷，青瓜包住忌廉同皇帝蟹肉，味道清新但又酸酸的，可清清味蕾；之後再食香煎鵝肝棒棒糖配上紅桑子玫瑰醬，其實之前在Pedro對上一間餐廳已品嚐此味，鵝肝已混入棒棒糖裏面，鹹鹹的但又夠香滑。



中層的番茄青檸香草醃新鲜吞拿魚及赤貝，吞拿魚已變成蓉及赤貝已切成碎粒狀，加入番茄粒拌勻，放回赤貝殻內，加上青檸後再放上三文魚子，入口有赤貝之煙韌、醃吞拿魚近似即溶、番茄同青檸嘅鮮味、三文魚子嘅鹹香，百感交集；再食煙三文魚配黑三文魚子，厚切方型的煙三文魚，油份夠又好咬口，連埋重鹹香味的黑三文魚子一齊食，不能說出其感覺了，自己去試啦。



到最底層有龍蝦牛油果配鷄尾酒醬(或叫瑪麗玫瑰醬)及長型麵包條，新鮮龍蝦配牛油果味道已好夾，加上微辣的鷄尾酒醬汁，非常惹味，反而長型麵包條用來中和其惹味感；再食西班牙黑毛豬風乾火腿配哈蜜瓜，為何兩樣食材這樣夾？我也不能解釋了；鯷魚多士，鯷魚鮮味鹹香，多士雖厚身但仍香脆無比，又係非常夾，真係鹹足全場。



每款不同下午茶set，餐具依然是用上Wedgwood，不過不知道為什麼，我在此酒店大堂同客人、同事、朋友食過幾次，每次都忘記影套靚靚茶具，可能我慣咗凍飲，但聽朋友說此處之茶出品水準不錯。

其實已經飽飽地，除三層架外，還有一大份芝士拼盤，由四款不同之英國芝士，有我喜歡的藍芝士、羊芝士、以及車打芝士及Conish，喜歡味濃及軟身芝士，芝士之香味可停留口腔內更久。



男人的浪漫，就是這樣子，談談花生趣事，又一個下午了。

Wedgwood朗廷鹹點下午茶供應時間：
逢星期一至五下午3時至5時30分供應。
逢周末及公眾假期則於兩個時段供應，分別是下午2時15分至4時15分和下午4時30分至6時30分。
定價每位港幣$258，兩位港幣$488。

Palm Court
尖沙咀北京道8號香港朗廷酒店大堂



Feel Free to like my Facebook Fans Page 蕃茄醬與卡卡醬 花生飲食遊記
張貼者： 於 沒有留言:

2015年11月30日 星期一

馬場同樂日

好似有接近一年未同呢幾位朋友一齊入馬場食飯了，二話不說便訂了一個跑馬日枱，殺入沙田馬場，去喜馬當先食個brunch，我不喜歡賭馬的，我是去食brunch的，但每次賽事進行中聽到朋友們大叫佢哋自己心水馬號碼時，都幾好玩。


去到馬場入口時，向職員出示喜馬當先訂位號碼便可免入馬場費用，入場後沿左手面方向一直行，好快就行到，再向餐廳服務員出示訂位號碼後便安排入座。


可能我太早到，所以朋友未到，先行個圈，見到冷盤有南中國海東風螺、海蝦及澳洲藍青口；沙律吧有6款不同之沙律；芝士吧有5款不同芝士；精選凍肉盤有3款不同凍肉，旁邊生果吧有西瓜、蜜瓜同哈蜜瓜；麵包吧有多款麵包，更有多士爐在旁；奄列吧自成一角。


這裏brunch要$450一位(要加一)，包自助餐食物、主菜及餐飲，有些主菜要加錢，$60-$100不等，可加錢任飲酒精飲料，不過咁早我哋飲唔到酒，如果有特別賽事brunch價錢會再貴一點，於下午1點半前，是果汁任飲，果汁控要留意時間，我還是喜歡冰水，除此之外，此時段之麵包吧、凍肉盤、芝士吧位置會轉為甜品吧及哈根大師雪糕櫃，而生果吧位置不變。


先試了冷盤，南中國海東風螺、海蝦、澳洲藍青口、番茄、意大利青瓜沙律，幾款冷盤算鮮甜，解凍做得不錯，番茄及沙律也算新鮮。


再試凍肉盤，配蜜瓜及哈蜜瓜，幾款凍肉都比較鹹，不過配返鮮甜嘅生果後又可中和返，千祈唔好浄食。


刺身時間，三文魚、吞拿魚及甜蝦(沒有拿北寄背)，甜蝦超鮮甜、三文魚同呑拿魚還可以。


再試了幾款芝士，如果啲芝士再臭啲會再好食啲。


食完凍食，當然要食呢度推介的奄列，可配芝士粒、火腿、芫茜、洋蔥、薯仔粒、白菌片、番茄，點了全部配料，加多芝士，呢度奄列真的做得不錯，外面煎得夠香口，裏面仍有蛋汁及半溶芝士汁流出，好難唔好食。


奄列吧旁突然加多了一位廚師整牛油田螺配薯蓉，先炒田螺，再放在薯蓉上，再加牛油後用火槍燒6-7秒，熱辣辣又邪惡，田螺夠香口彈牙，薯蓉夠creamy，正！


加$80點了燒紐西蘭羊扒伴燴大蒜，忌廉焗薯配紅酒羊肉汁，6成熟，羊扒半熟有血絲，肉質夠羶夠煙韌，配菜也不能忽視。


1點半了，麵包吧、凍肉盤、芝士吧位置搖身一變成為甜品吧及雪糕櫃，生果吧位置不變，除麵包不會再供應外，凍肉盤及芝士吧會轉去冷盤、沙律吧位置供客人繼續享用。


甜品吧真的花多眼亂，其實我已飽了9.8成，不想拿回來只為拍照而浪費了食物，所以那0.1成留了給一杯哈根大師，最後0.1當然成留給較早前，從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，我當然唔怕死，呢杯飲料夠凍夠茶味，合格。



喜馬當先
地址 : 沙田馬場第二座看台二樓







張貼者： 於 沒有留言:

2015年11月12日 星期四

Stickhouse終於開到香港了！


號稱風靡全球，意大利最受歡迎皇牌雪糕品牌Stickhouse終於開到嚟香港了，此店位於海港城Food Court，為全球第94間，於2015-11-11上午開業，Stickhouse自設工場，主打天然手工牛奶雪糕和鮮果雪葩，望見雪櫃內有多種不同款式：大部分雪糕棒都賣$28(叫Regular)，如加巧克力/配料加$5，由於趕時間要走，所以無問Premium($32)同Delus($36)有何分別？


於香港率先試咗一支本週熱賣嘅三色雪條(本週熱賣，今日第一日開業咋喎？)，有芒果、西瓜同奇異果(之前已在澳門已試過西瓜奇異果)，芒果部分好夠甜、而西瓜真係好似食緊西瓜咁，好好食，奇異果酸咗少少。


再試咗一支木梨，嘩！呢支好酸，好刺激(因為我唔係好食得好酸)，味道好似山渣餅，食完醒哂，平過銅鑼灣嗰間好多，下次要帶朋友來試。


Stickhouse
尖沙咀海港城港威商場3樓3001-E1號鋪


張貼者： 於 沒有留言:
訂閱： 文章 (Atom)