暫時為全澳門最高的中菜廳，「Ritz Carlton Hotel」51樓的「麗軒」，之前適逢「澳門銀河」的「龍蝦盛薈」時曾到訪多間不同餐廳，雖「麗軒」不是「龍蝦盛薈」的餐廳，但聞名已久，點都要試試其食物水準。
由人稱Bill叔叔的行政總廚為我哋準備了：「素點心三款」(忘記價錢)、「龍皇蛋白蒸鮮蟹鉗」(每隻$338)及「麗軒梅菜扣肉」(每位) - $138。
「素點心三款」，有紅蘿蔔型的什菌餃、糯米燒賣及綠蘋果型素粉果，現時大家都提倡素食，所以是個不錯的小食。
「龍皇蛋白蒸鮮蟹鉗」，大家都「嘩」咗一聲，因為隻蟹鉗比起一部6吋長的手提還要長，Bill叔叔話起碼要用一斤十二両嘅越南大肉蟹先有咁大隻蟹鉗，蟹肉厚身鮮甜，睇真啲，撐起蟹鉗的也絕不馬虎，原來是一小件法國藍龍蝦肉，爽口彈牙，底部的花雕蒸蛋白也不要錯過，有酒香又夠嫩滑。
「麗軒梅菜扣肉」，又是此店名物，梅菜甜鹹適中，扣肉乃邪惡之物，入口已半融，還記得想用蝴蝶餅夾來食時，已被我消滅了。
麗軒
地址: 路氹城 「澳門銀河™」綜合渡假城澳門麗思卡爾頓酒店51樓
電話: 8886 6868
沒有留言:
張貼留言