到佐敦辦點事,又未食晏,想去食馳名白灼魚皮、白灼豬雜、生滾粥,誰不知去到文蔚街來回幾轉,棠記去咗邊?
50年歷史之堂記已變了彩明挍挍麵,見貼有報紙寫住全港首創挍挍麵,原來是將軍澳[彩興麵點]之分店,喜歡食麵的我,當然要試下啦!
甚麼是挍挍麵,老闆話呢隻麵嘅做法好難搞,所以叫做挍挍麵,係佢自家研製的麵條,主要響蛋撻皮製法上面獲得靈感,做法好似酥皮咁反覆搓、壓、打成一層層,咁就又滑又煙韌;除了麵粉,還有加了秘方使麵條更大韌性。
點了秘制東坡肉、豬大腸挍挍麵($33),賣相普通,先飲啖湯,好重豬骨味同好味,再食一啖麵,超彈牙同好煙韌,真係幾好食,東坡肉是合格的半肥瘦,味道亦不差,豬大腸非常肥美,夠味,相信要與相熟供應商取貨才有此質素,不用5分鐘已食完,差不多連湯都飲哂!
彩明挍挍麵 Choi Ming
地址:佐敦渡船角文蔚街文蔚樓20號地下
沒有留言:
張貼留言