內行人？

之前響網上見到有人話響金華冰室識食墨西哥包就係內行人、先係識食人士，唔怪之得你咁識食啦！

星期六下午，約咗人，又早咗出嚟未夠鐘，見金華唔多人，即刻入去搵個位坐，點了菠蘿油($9)，凍檸茶($18)，菠蘿包是暖的，根據內行人食法(其實我只係扮內行人)，首先將包用义㩒扁啲先食，外皮尚算酥脆，包也算軟身，喜歡牛油的我略嫌牛油不夠大塊，食到一半已沒有牛油，還是喜歡西貢的。

為咗要更似一個內行人同識食人士，就算死都要叫番個墨西哥包扮下嘢先啦！墨西哥包($6)，我識嘅內行人食法又是用义先㩒扁包身，薄薄的外皮勉強脆，包是微暖的，少少甜，跟其他麵包店沒太大分別，誰說內行人才懂得點？

飲品當然繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，我當然唔怕死，呢杯飲料算夠凍，但茶味不夠。

金華冰廳

地址 : 太子弼街47號地下

電話 : 2392 6830