蕃茄醬與卡卡醬花生飲食遊記: 炊豕店，好驚青，以為執咗！

2015年9月7日星期一

炊豕店，好驚青，以為執咗！

於銅鑼灣等食晚餐又未夠鐘，諗住去禮頓道炊豕店食過秘製豬扒打打底，點之門已關，以為執咗，攪到我好驚青，原來搬咗入去加路連山道，咁先無咁驚青。

新地方，店內位置大了，比以前容納多10人，而且採用開放式廚房及吧枱設有座位，我到了吧枱，點了秘製豬扒配咖喱汁($52)，白飯，另加炒蛋($10)，好快有得食，都幾大碗，咖哩汁另碗上。

豬扒夠厚身但又夠腍身，上枱時已將豬扒切成5至6塊，有一塊連住骨頭的比較肥美，豬扒炸得算香口入味、不太油膩，加了炒蛋，於豬扒及珍珠米飯中間，之前來炊豕店只是為了豬扒及非常滑又七成熟之炒蛋，今次炒蛋無咁滑，不過仍比好多餐廳好，再加上濃濃的咖哩汁一齊食好好味，薯仔夠腍，如果炸過更好，珍珠米仍夠煙韌，希望仍能保持水準。